Поместный собор 1503 года (собор о вдовых попах)

▻ Ответ Макариа, митрополита всея Русии, от божественых правил святых апостол и святых отець седми собор, и поместных, и особь сущих святых отець, и от заповедей святых православных царей, к благочестивому и христолюбивому и боговенчанному царю великому князю Ивану Васильевичю, всеа Русии самодръжцу, о недвижимых вещех, вданных Богови в наследие благ вечных

О Соборе

Собор 1503 года, также известный как «собор о вдовых попах» — собор Русской православной церкви, который проходил в Москве в августе — сентябре 1503 года. Задачей собора было решение ряда дисциплинарных вопросов, в отношении которых было вынесено два постановления. Однако более он остался в памяти как собор, на котором решался вопрос о монастырском землевладении.

Соборное определение, о невзиманіи съ священнослужителей мзды за хиротонію.

(Цитируется из «Акты, собранные въ библиотекахъ архивахъ Россiйской Империи археографическою экспедицiею императорской академiи наукъ. Том I» Санкт-Петербургъ. 1836 г. Страницы 484-485)

Мы Іоанъ, Божіею милостію Государь всеа Русіи и Великій Князь, и сынъ мой Князь Великій Василей Ивановичь всеа Русіи, поговоря съ Симоном Митрополитомъ всеа Русіи, и со Архіепискупомъ Генадіемъ Великого Новагорода и Пьскова, и съ Нифонтомъ Епискупомъ Суздальскимъ и Торускимъ, и съ Протасьемъ Епискупомъ Рязаньскимъ и Муромьскимъ, и съ Васьяномъ Епискупомъ Тферьскимъ, и съ Никономъ Епискупомъ Коломеньскимъ, и съ Трифономъ Епискупомъ Сарьскимъ и Поддонскимъ, и съ Никономъ Епискупомъ Пермьскимъ и Вологодскимъ, и со архимандриты, и со игумены, и со всѣмъ свяшеннымъ соборомъ, и по Правиломъ святыхъ Апостолъ и святыхъ Отецъ, что написано въ Правилѣхъ святыхъ Апостолъ и святыхъ Отець, отъ ставленья святителемъ, отъ Архіепискуповъ и Епискуповъ, и отъ архимандритовъ, и отъ игуменовъ, и отъ поповъ, и отъ діаконовъ, и отъ всего священническаго чина, не имати ничего, и уложили есьмя и укрѣпили: что отъ сего времени впередъ намъ святителемъ, мнѣ Митрополиту и намъ Архіепискупомъ и Епискупомъ, или кто иные Митрополиты и Архіепискупы и Епискупы въ всѣхъ земляхъ Рускихъ на тѣхъ столѣхъ послѣ насъ будутъ, отъ поставленія святителемъ Архіепискуповъ и Епискуповъ, архимандритовъ и игуменовъ, и поповъ и діаконовъ, и отъ всего священнического чину не имати ничего никому, ни поминковъ намъ не имати оть ставленія никому ничего; такожъ отъ ставленныхъ грамотъ, печатнику отъ печати и діякомъ отъ подписи, не имати ничего, и всѣмъ нашимъ пошлинникомъ, моимъ митрополичимъ и нашимъ архіепискуплимъ и епискуплимъ, пошлинъ отъ ставленія не имати ничего; такожъ святителемъ, мнѣ Митрополиту и намъ Архіепискупомъ и Епискупомъ, у архимандритовъ и у игуменовъ, и у поповъ, и у діаконовъ, отъ священныхъ мѣстъ и отъ церквей не имати ничего, но коегождо чина священническаго безъ мзды и безь всякого дара поставляти и на его мѣсто отпущати; и по Правиломъ святыхъ Апостолъ и святыхъ Отець намъ святителемъ попы и діаконы ставити, діакона 25 лѣтъ, а въ попы свершити 30 лѣтъ, а ниже тѣхъ лѣтъ ни попа ни діакона не ставити некторыми дѣлы, а въ подьякы ставити 20 лѣтъ, а ниже 20 лѣтъ не ставити въ подьякы; а которой святитель изъ насъ и послѣ насъ, Митрополитъ, Архіепискупъ, или Епискупъ, во всѣхъ Рускихъ земляхъ, отъ сего дни впередъ, нѣкоторымъ нерадѣніемъ дерьзнетъ уложеніе и укрѣпленіе преступити да възметъ что отъ ставленія или отъ мѣста священническаго, да лишенъ будетъ сана своего, по Правиломъ святыхъ Апостолъ и святыхъ Отецъ, да извержется самъ и поставленный отъ него, безо всякого отвѣта.

А на болшее утверженіе сего уложенія и укрѣпленія мы Іоанъ, Божіею милостію Государь всеа Русіи и Великій Князь, и сынъ мой Князь Великій Василей Ивановичь всея Русіи къ сей грамотѣ печати свои привѣсили; а отець нашъ Симонъ, Митрополитъ всеа Русіи, къ сей грамотѣ руку свою приложилъ и печать свою привѣсилъ; а Архіепискупъ и Епискупы къ сей грамотѣ руки свои приложили. А писанъ на Москвѣ, лѣта 7011 Августа въ шестый день.

Язъ смиренный Симонъ, Митрополитъ всея Русіи, со Архіепискупомъ и Епискупы, и съ архимандриты, и со игумены, и со всѣмъ священным соборомъ, обыскавъ по Правиломъ святыхъ Апостолъ и святыхъ Отець, крѣпости дѣля, чтобы то дѣло впередъ при насъ и послѣ насъ нерушимо было, къ сей грамотѣ руку свою приложилъ и печать свою привѣсилъ.

Язъ смиреный Архіепискупъ Великого Новагорода и Пьскова Генадей къ сей грамотѣ руку свою приложилъ.

Язъ смиреный Епискупъ Нифонтъ Суздальскій и Торускій къ сей грамотѣ руку свою приложилъ.

Язъ смиреный Епискупъ Протасей Резань скій и Муромьскій къ сей грамотѣ руку свою приложилъ.

Язъ смиреный Епискупъ Васьянъ Тверьскій къ сей грамотѣ руку свою приложилъ.

Язъ смиреный Епискупъ Никонъ Коломеньскій къ сей грамотѣ руку свою прило- жилъ.

Язъ смиреный Епискупъ Трифонъ Сарьскій и Поддоньскій къ сей грамотѣ руку свою приложилъ.

Язъ смиреный Епископъ Никонъ Пермьскій и Вологодскій къ сей грамотѣ руку свою приложилъ.

Изъ современной Рукописи, принадлежащей Г. Строеву.
Сей акть сличен съ двумя списками XVII века

Соборное определѣние, о вдовыхъ попахъ и дiаконахъ и о запрещенiи монахамъ и монахинямъ жить в одних монастяряхъ

Мы Іоанъ, Божіею милостію Государь всея Руси и Великій Князь, и сынъ мой Князь Великій Василей Иваповичь всея Русіи. Что говорилъ съ нами отецъ нашь Симонъ, Митрополитъ всея Русіи, что онъ еже о святѣмъ Дусѣ съ своими дѣтми, съ Генадіемъ Архіепископомъ Великого Новагорода и Пскова, и съ Нифонтомъ Епископомъ Суздальскымъ и Торусскымъ, и съ Протасьемъ Епископомъ Рязаньскымъ и Муромъскымъ, и сь Васіаномъ Епископомъ Тферьскымъ, и съ Никономъ Епископомъ Коломенскымъ, и съ Трифономъ Епископомъ Сарскимъ и Поддоньскымъ, и съ Никономъ Енископомъ Пермьскымъ и Вологоцкымъ, и съ архимандриты, и съ игумены, и съ всѣмъ священнымъ соборомъ, обыскали того, что въ нашей православной вѣрѣ христіанской Греческаго закона многіе священники, попы и діаконы, вдовцы, заблудили отъ истины и забывъ страхъ Божій дѣлали безчиніе, опослѣ

своихъ женъ держали у себя наложници, а вся священническаа дѣиствовали, его жъ не достоить имъ творити, ихъ ради безчиніа и скверныхъ дѣлъ: и они соборнѣ того обыскавъ да по Правиломъ святыхъ Апостолъ и святыхь Отецъ, и по поученію святаго и великого Чюдотворца Петра Митрополита всея Русіи, и по написанію Фотѣя Митрополита всея Русіи, уложили и укрѣпили о попѣхъ и о діаконѣхъ о вдовцѣхъ, что, того ради безчиніа, отъ сего времяни впередъ попомъ и діакономъ вдовцомъ есѢмъ не служити; а которыхъ поповъ и діаконовъ въ наложницахъ уличили и которые на себя сказали, что у нихъ наложници были, да и ставленые свои грамоты къ святителемъ принесли, ино тѣмъ попомъ и діакономъ впредъ у собя наложницъ никакоже не держати, а жити имъ въ міру кромѣ церкви, и верхъ тѣмъ власъ своихъ растити, и одежа тѣмъ носити мирскаа, и дань имъ давати съ мирьскыми людми, а никакожъ священническыхъ дѣлъ никоторыхъ не дѣйствовати, ни касатися; а котрой тѣхъ поповъ и діаконовъ вдовцовъ, не отдавъ своее ставленые, да сойдетъ гдѣ въ далные мѣста, взявъ себѣ жонку, а назоветъ себѣ женою, да нерадѣніемъ учнетъ служити въ митропольи ли, въ архіепископіахъ ли или въ епископіахъ, и которыхъ въ томъ уличатъ, ино тѣхъ про то предавати градцкымъ судіамъ. А которые попы и діаконы вдовцы жъ, а слова на нихъ нѣтъ о паденіи блудномъ, да и сами про собя сказали, что послѣ своихъ жонъ живутъ чисто, и они о тѣхъ улояжили, что тѣмъ стояти въ церквахъ на крылосѣхъ и причащатися попомъ въ олтарѣхъ въ патрахили, да и въ домѣхъ имъ у собя патрахили держати, а діакономъ причащатися въ олтарѣхъ яже въ стихарѣхъ съ уларемъ, а не служити ни попомъ ни діакономъ вдовцомъ; а которые попы или діаконы на тѣхъ мѣсто и у тѣхъ церквей учнутъ служити, и имъ тѣхъ поповъ и діаконовъ вдовцовъ отъ церквей не отсылати, а давати попомъ служебнымъ вдов

цомъ попомъ, а діакономъ служебнымъ діаквономъ вдовцомъ, четвертую часгь во всѣхъ церковныхъ доходѣхъ; а которые тѣхъ поповъ и діаконовъ вдовцовъ не учнутъ въ церкви на крылосѣ стояти, а учнетъ мирскаа дѣлати, и тѣмъ церковной части четвертой во всѣхъ церковныхъ доходѣхъ не давати; а кто тѣхъ поповъ и діаконовъ вдовцовъ, которые послѣ своихъ жонъ живуть чисто, а захотятъ во иноческое одѣаніе одѣати себя, и таковіи, благодаря Божіи судбы, въ монастыри отходятъ и отъ духовнаго настоятеля отъ игумена постригаются и обновивъ себе о всемъ чистымъ покааніемъ къ своему отцу духовному и по достоиньству, аще суть достойни, и тогда таковіи съ благословеніемъ святительскымъ да священствують въ монастырѣхъ, а не въ мирьскихъ. А что въ монастырѣхъ жили въ одномъ мѣстѣ черньцы и черници, а служили у нихъ игумены, и они уложили, что отъ сего дни впередъ черньцомъ и черницамъ въ одномъ монастырѣ не жити; а въ которомъ монастыри учнуть жити черньци, ино ту служыти игумену, а черницамъ въ томъ монастырѣ не жити; а въ которомъ монастыри учнутъ жити черницы, ино у нихъ служити попомъ бѣлцомъ, а черньцомъ въ томъ монастырѣ не жити. А которой попъ и діаконъ которого дни упіется допіана, и ему назавтрѣе обѣдни никакоже не слуяжити.

А на болшее утверженіе сего уложеніа и укрѣпленіа мы Іоанъ, Божіею милостію Государь всея Русіи и Великій Князь, и сынъ мой Князь Великій Василей Ивановичь всея Русіи къ сей грамотѣ печати свои привѣсили; а отецъ нашъ Симонъ, Митрополитъ всея Русіи, къ сей грамотѣ руку свою приложилъ и печать свою привѣсилъ; а Архіепископъ и Епископы къ сей грамотѣ руки свои приклали. А писанъ на Москве, лѣта 7000 втораго надесять Сентября.

Язъ Симонъ, Митрополитъ всея Русіи, къ сей грамотѣ руку свою приложилъ и печать свою привѣсилъ.

Язъ смиренный Генадій, Архіепископъ Великого Новагорода и Пскова, къ сей грамотѣ руку свою приложилъ.

Язъ смиренный Нифонтъ, Епископъ Суждальской и Торусскый, къ сей грамотѣ руку свою приложилъ.

Язъ смиренный Протасей, Епископъ Рязанскій и Муромской, къ сей грамотѣ руку свою приложилъ.

Язъ смиренный Васіанъ, Епископъ Тферьскій, къ сей грамотѣ руку свою приложилъ.

Язъ смиренный Никонъ, Епископъ Коломенскый, къ сей грамотѣ руку свою приложилъ.

Язъ смиренный Трифонъ, Епископъ Сарской и Поддонской, къ сей грамотѣ руку свою приложилъ.

Язъ смиренный Никонъ, Епископъ Пермьскый и Вологодцкій, къ сей грамотѣ руку свою приложилъ.

Сіе Соборное определение списано съ современной рукописи, принадлежащей Г.Строеву, и сверено съ двумя списками века.

Грамота Митрополита Симона въ Псковъ

Благословеніе Симона, Митрополита всея Русіи, о святѣмъ Дусѣ господина и сына нашего смиренія благороднаго и благовѣрнаго Великого Князя Ивана Васильевича всея Русіи И его сына благороднаго и благовѣрнаго Великого Князя Василья Ивановича всея Русіи намѣстнику Псковскому князю Дмитрею Володимеровичу, и всѣмъ посадникомъ Псковскимъ, И собору Святыя Троица, и собору Святыя Софьи, и собору Святого Николы, и всѣмъ священникомъ и всѣмъ христоимянитымъ Господнимъ людемъ. Пишу къ вамъ, сынове, о сихъ, что здѣ есмя, говоря сь своимъ господиномъ и сыномъ съ Великимъ Княземъ Иваномъ Васильевичемъ всея Русіи и съ его сыномъ съ Великимъ Княземъ Васильемъ Ивановичемъ всея Русіи и еже о святѣмъ Дусѣ съ своими дѣтми, съ Генадіемъ Архіепискупомъ Великого Новагорода и Пскова и со всѣми Епископы Рускія нашея митрополія, съ архимандриты и съ игумены и со всѣмъ священымъ соборомъ, обыскали того, что въ нашей православной вѣрѣ крестьянской Греческаго закона многіе священики, попы и діяконы, вдовцы, заблудили отъ истинны и, забывъ страхъ Божіи, дѣлали безчиніе, опослѣ своихъ женъ держали у себя наложницъ, а вся священническая дѣйствовали, его же не достоитъ имъ творити, ихъ ради безчинія и скверныхъ дѣлъ; и мы въ соборѣ о томъ обыскали и, по поученію святого великого Чудотворца Петра Митрополита всея Русіи и по писанію Фотѣя Митрополита всея Русіи, уложили есмя и укрѣпили о попѣхъ и о діяконѣхъ, о вдов- цѣхъ, что того безчинія отъ сего времяни впередъ попомъ и діякономъ вдовцемъ всѣмъ не служити; а которыхъ поповъ и діяконовъ въ наложницахъ уличили и которые на собя сами сказали, что у нихъ наложницы были, да и ставленые свои грамоты ко святителемъ принесли, ино тѣмъ попомъ и діякономъ впередъ наложницъ у собя николи жъ не держати, а житіемъ въ міру кромѣ церкви, и верхъ тѣмъ власы свои ростити, и одежа имъ носити мирская, и дань имъ даяти съ мирскимц людми, а никако яже имъ священническихъ дѣлъ ни которыхъ не дѣйствовати, ни касатися; а которой тѣхъ поповъ и діяконовъ вдовцевъ, не отдавъ своей ставленые, да сойдеть гдѣ въ далнее мѣсто, взявъ собѣ жонку, а назоветъ ее собѣ женою, да нерадѣніемъ учнетъ слу- жити, въ митропольи, во архіепископіяхъ ли или во епископіяхъ, и которыхь въ томъ уличатъ, ино тѣхъ про то предавати градцкимъ судіямъ; а которые попы: и діяконы, вдовцы жъ, а слова на нихъ нѣсть о паденіи блудномъ, да и сами про собя сказали, что послѣ жонъ живутъ чисто, и мы соборнѣ о тѣхь уложили, что тѣмъ стояти въ церквахъ на крилосѣхъ и причащатися попомъ въ олтарѣхъ въ патрахили да и въ домѣхъ имъ у собя патрахиль держати; а діякономъ причащатися во олтарѣхъ въ стихари со уларемъ, а не служити ни попомъ, ни діякономъ, вдовцемъ; а которые попы и діяконы на ихъ мѣсто учнутъ у тѣхъ церквей служити, и имъ тѣхъ поповъ и діяконовъ отъ церквей не отсылати вдовцевъ, а давати попомъ и діякономъ служебнымъ вдовцемъ попомъ и діякономъ четвертую часть во всѣхъ церковныхъ доходѣхъ; а которой въ тѣхъ попѣхъ и діяконѣхъ въ церкви на крилосѣ стояти не учнетъ, а учнетъ мірская дѣлати, и тѣмъ четвертые части въ церковныхъ доходѣхъ не давати. А кто тѣхъ поповъ и діяконовъ, вдовцовъ, которые послѣ своихъ женъ живутъ чисто, а захотятъ во иноческое одѣяніе одѣяти себе, и таковіи благодаря Божія судбы въ монастыри отходятъ и отъ настоятеля духовнаго отъ игумена постригаются, и, обновивъ себе о всемъ честнымъ покаяніемъ своему отцу духовному, и по достоинству, аще суть достойни, и тогда таковій, со благословеніемъ святителскимъ, да священствуетъ въ монастырѣхъ, а не въ мірскихъ. А что въ монастырѣхъ въ одномъ мѣстѣ жили чернцы и черницы, а служили у нихъ игумены, и мы уложили, что отъ сего дни впередъ чернцомъ и черницамъ въ одномъ мѣстѣ въ монастырѣ не жити; а въ которомъ монастырѣ учнутъ жити черницы, ино у нихъ служити попомъ бѣлцемъ, а чернцомъ въ томъ монастырѣ не жити; а которой попъ и діяконъ которого дни упіется допьяна, ино ему назавтрее не служити. И чтобъ отъ сего времяни впередъ во Псковѣ и во всей Псковской земли всѣ священики, попы и діяконы, вдовцы, не служили; а о всемъ бы было, о попѣхъ и о діяконѣхъ, и о вдовцѣхъ, и о мона- стырѣхъ, потому, какъ въ сей моей грамотѣ писано; а язъ васъ благословляю.

Писана 7012 Іюля въ 15 день.

А сія грамота легла предъ посадники Псковскими и священники у лавицы, Августа въ 11 день.

Изъ Псковской Летописи (іn F, л. 299-301), находящейся,
Архангельской Губернiи, въ архиве Холмогорвскаго Собора подъ № 33.

«Слово иное»

(Цитируется по — Бегунов Ю. К. «Слово иное» — новонайденное произведение русской публицистики XVI в. о борьбе Ивана III с землевладением церкви // Труды отдела древнерусской литературы. — М., Л.: Изд-во АН СССР, 1964. — Том XX. — С. 351—364.)

Сие слово иное, а не ис тое книги.

В та же времяна восхотѣ князь великий Иван Васильевичь у митрополита и у всѣх владыкъ и у всѣх манастырей села поимати и вся к своим соединити. Митрополита же и владыкъ и всѣх манастырей из своея казны деньгами издоволити и хлѣбом изооброчити из своих житницъ.

Призываетъ убо митрополита и всѣх владыкъ и архимандритовъ и игуменовъ и своея мысли совѣт имъ открывает и вси ему повинуціася, боящеся, да не власти своея отпадут.

Призывает же князь великий игумена Серапиона Троицъкаго Сергиева манастыря, да и той отдастъ села Сергиева манастыря. Приходит же Серапионъ, игуменъ Троицъский, на соборъ и глаголетъ великому князю: «Азъ убо приидох к живоначальнѣй Троицы в Сергиевъ манастырь селъ манастырю не вдах, единъ у себя имѣя посох и мантию».

Приходит же к великому князю и Нилъ, чернецъ з Белаозера, высоким житиемъ II словый сый, и Денисъ, чернецъ Каменский, и глаголютъ великому князю: «Не достоить чернцемъ селъ имѣти». К симъ же приста и Василий Борисовъ, тферския земли боярин, та же и дѣти великаго князя: и князь великий Василий, князь Дмитрей Углецкий присташа к совѣту отца своего. И дияки введеныя по великом князѣ глаголаху: «Не достоит чернецем селъ имѣти». Князь же Георгий всесвѣтлое ничтоже о сих не глаголах.

Приходит к митрополиту к Симону Серапионъ, игуменъ Троицкий, и глаголет ему: «О священная главо! Азъ убо нищий противу великому князю глаголю. Ты же о сих ничто же не глаголеши». Митрополитъ же Серапиону игумену отвѣща: «Отшли убо от себе Дениса черньца, аз с вами единою глаголю». Серапионъ же митрополиту глагола: «Ты глава всѣм нам, ты ли ся сего боиши?»

Та же митрополит совокупився архиепископы и епископи, и архимандриты, и игумены иѵпришед со всѣми глаголатъ великому князю: «Аз убо селъ пречистыя церкви не отдаю , ими же владѣли прежний митрополиты и чюдотворцы Петръ и Алексѣй. Тако же и братия моя, архиепископы и епископы, и архимандриты, и игумены, селъ не отдают церковных».

Та же глаголетъ митрополит Генадию, архиепиокому ноугородцкому: «Что убо противу великому князю ничтоже не глаголешь? С нами убо многорѣчивъ еси. Нынѣ же ничто же не глаголешь? Генадий же отвѣща: «Глаголете убо вы, азъ бо ограбленъ уже прежде сего».

Генадий нача глаголати противу великому князю о церковных землях. Князь же великий многимъ лаянием уста ему загради, вѣды его страсть сребролюбную. Князь же великий, вся оставив, и глаголетъ: «Вся сия творит Серапионъ, игумен Троицъкий».

Послѣди же сих есть волость, зовома Илемна, и нѣкотории си человецы, злу ради, живуще близ волости тоя, навадиша великому князю, глаголюще: «Конанъ чернецъ переорал эемленую межу и твою оретъ землю, великаго князя». Князь же великий вскоре повелѣ черньца представити судищу своему. Мало же испытуя черньца, посла его в торгъ и повелѣ его кнутиемъ бити. А на игумене же Серапионѣ повелѣ недѣль- щиком взяти 30 рублевъ. И призывает же келаря Васияна и с прещением повелѣ всѣх селъ монастырьских грамоты к себѣ привести. Васьянъ же келарь призывает недѣльщики и глаголетъ им: «Возьмите, братие, деньги, иже повелѣваетъ князь велики». И ни единъ же от них на деньги руки не прострѣ, глаголюще: «Не буди нам руки прострѣти на сребро Сергиева монастыря, да не огѣзееву проказу приимемъ». Серапионъ же игумен входит в церковь богоявления господа бога нашего Исуса Христа и посылает келаря Васьяна в монастырь и повелѣ з грамотами быти старымъ старцемъ, которые ис келей не исходят. Священницы же и оставшая братия от церкви да не отходят, предстояще рацѣ Сергия чюдотворца день и нощъ. Старые же старцы двигнушася, овии на конех, инии же на колесницах, инии же на носилах. В ту же нощъ, в ню же старцы тѣ двигнушася из монастыря, прииде же посѣщение от бога на великаго князя самодержца: отняло у «его руку и ногу и глаз. В полунощи же посылает по игумена Серапиона и по старцы, прощения прося, и милостыню посылает довольну к братии. СерапиоИъ же игумен съ братьею воэвратися в свой монастырь, аки нѣкии ратницы крѣпцыи от браяи возвратишася, славу воздаша богу, великаго князя самодержаца смирившаго».

Соборный ответ 1503 г.

Събор был о землях церковных, святительских, монастырскых. Симон митрополит всеа Русии и с всем священным събором прьвое сие послаша послание к великому князю Ивану Васильевичю всеа Русии съ дияком с Левашом.

Говорити великому князю Ивану Васильевичю всеа Русии от Симона митрополита всеа Русии и от всего освященнаго собора дьяку Левашу.

Отець твой, господине, Симон митрополит всеа Русии и архиепископы и епископы и весь освященный собор говорят, что от перваго благочестиваго и святого равноапостольнаго Констянтина царя да и по нем при благочестивых царей, царствующих в Констянтине граде святители и монастыри грады и власти и села и земли дрьжали. И на всех соборех святых отець не запрещено святителем и монастырем земель дрьжати. И не велено всеми святыми соборы святых отець святителем и монастырем недвижимых стяжаний церковных ни продати, ни отдати и великими клятвами о том утвержено. Тако ж и в наших русискых странах при твоих прародителех великых князей, при великом князе Владимере и при его сыне великом князе Ярославе, даже и до сех мест святители и монастыри грады и власти и села, и земли держали.

И после того сам митрополит Симон с всем освященным собором был у великого князя Ивана Васильевича всеа Руси. И сей список перед ним чьли.

От Бытьи. И покупи всю землю Египетскую Иосиф, съодоле бо им глад. И бысть вся земля Фараону и люди поработи ему от края предел Египетьскых до края, разве земли жреческиа, тоя бо не купи Иосиф. Дань бо даяше жерцем сам Фараон и люди, и взимаху жерцы и ядяху дань, юже даяше им Фараон. И устави всем людем Иосиф заповедь до днешняго дне на земли Египетьстей: пятую часть Фараону, кроме земли жреческыя, та бо точию не бяше Фараону.

От Левгитския книги. Рече Господь Моисею, глаголя: Глаголи сыновом Израилевом так: аще человек освятит храм свой, свят Господеви, да его оценит жрец межю добрым и межю злым. И якоже исценит жрець, тако да станет. Аще ли ж освятить и искупит храм свой да приложит пять частей цены сребраего и да будет ему. Аще ли ж от нив одрьжания его Господеви освятит, да будет цена по сеятве его, яже сеет ниву тую, яко пятьдесят спудов ячменя, тридесят дидрагм сребра. И аще искупит ниву свою освященную Господеви, да приложит пять частей цены сребра его, и да будет ему. Аще ли же не искупит нивы, и отдаст ниву подругу своему, да не искупит ея, да будет нива минувшему оставлению Господеви святая хвальная, яко земля нареченная жерцем, да будет одержание их в веки века.

[Того же — на поле] Главы ж Левгитьстии. И власти и села градов их одержания и урокы, и дани, и пошлины да будут присно Леввитом, яко дворове град Леввитскых. Одержание их среди сынов Израилевых, и села, нареченная в градех их, да ся не продадут, ни отдадут, яко одержание их вечно есть.

От жития благочестиваго и равноапостольнаго великого царя Костянтина и христолюбивыя и равноапостольныя матери его Елены. Сия вся усердно добре же и благочестне устроив святая и блаженная царица Елена, мати блаженнаго великого царя Констянтина, множество стяжаний градов и сел церквам даде и иная многая стяжания бесчисленая, и златом и сребром, и камением, и бисером святыя украси иконы и священныа честныя сосуды, злата ж многа и безчислена церквам и убогим раздаде. Святого же патриарха Макария многими дарми почте.

[Того же] Рече блаженный Констянтин царь: По всей же вселенней церквам содержания ради и крепости светлостьми стяжания земли, села и винограды, и езера, пошлины съчетавше дахом. И божественым и нашим повелением на въсточных и на западных, и на южных странах и по всей вселенней, идеже православнии царие и князи, и властели под нами обладают, владати святителем. И никаковому мирьскому сану смети прикоснутись церковным пошлинам, Богом заклинаем и божественым Его повелением и нашим повелением утвержаем непреложно и съблюдено быти даже и до скончания века сего.

[Того же] Сия убо вся, яже ради божественаго и многаго уставления и священным и нашим писанием утвержена и повелена быша, даже до скончания мира сего, яже по всей вселенней даныя святителем церковныя пошлины не прикосновенна и непоколеблема пребывати повелеваем. Тем же пред живым Богом, иже повелевшему нам царствовати, и пред ужасным Его судом засведетельствуем ради Божественаго и нашего ради царскаго сего уставления всем нашим приемником, иже по нас царем быти хотящим, всем тысущником, всем сотником и всем вельможам, и всему пространнейшему синклиту полаты нашего царства, и всем, иже по вселенней бывающим царем, и князем, и властелем по нас, и всем, иже по всей вселенней людем, иже ныне сущим и по том быти хотящим в вся лета, ни едино же от сих преложити или претворити некоторого ради образа, яже божественым и нашим царскым повелением священней святей римской церкви и всем, иже под нею святителем по всей вселенней бываемым подаваема, да не смеет никто же порушити, или прикоснутися, или которым образом досадити.

Хотяй же о сих пространнее уведати, да прочтет духовную благочестиваго царя Констянтина и великое и похвалное о нем слово и иная о нем.

И аще бы были грады и власти, и села, и винограды, и езера, и пошлины не приличны, и не полезно Божественым церквам, не быша премолчали святии отци 318 перваго собора, но всяческы бы возбранили царю Констянтину таковое дело. И не токмо не возбраниша, но и свято Господеви и похвално и благоприятно благоволиша.

И от перваго благочестиваго царя Костянтина, да и по нем при благочестивых царех, царствующих в Констянтине граде, святители и монастыри грады и села, и земли держали и ныне держат в тех, иже православно где царьствующих странах. И на всех соборех святых отец не запрещено святителем имонастырем сел и земель держати и не повелено всеми соборы святых отець святителем и монастырем сел и земель церковных ни продати, ни отдати. И великими и страшными клятвами то утвержено.

Правило иже в Карфагении собора 32, 33, четвертаго собора правило 34, пятаго собора правило на обидящих святыя Божия церкви, Иустинияново правило 14, 15, иже в Сардакии правило 14, Иустинияново правило 30, седмого собора правило 12, 18. И в Спиридоньеве Тримифинскаго житье писано и в Григорьеве Богослова житие писано, и в Златаустаго житие писано, и в Беседовнице писано; что села были церковныя, явлено в житии святого Савина епископа и чюдотворца.

Також и монастыри имели села в прежних летех после великаго Антония. Преподобный и великий отець нашь Геласий чюдотворец села имел, и Афанасий Афонскый села имел, и Феодор Студискый села имел, и святый Симион Новый Богослов в своем писании являет, яко от сел и от виноградовмонастыри состаятся и лавры. И в Рустей земли чюдотворцы Антоний Великий и Феодосий Печерскыя и Варлам Новоградскый, и Дионисие и Димитрие Вологодскые — вси села имели. Тако ж и святители русстии иже в Киеве, да и по них святый Петр чюдотворец и Феогност, и Алексей чюдотворець — вси грады и власти, и села имели. И святый Алексей чюдотворец митрополит всеа Русии многыя монастыри создал, и селы и землями, и водами удоволил. И блаженный великый князь Владимер и сын его великый князь Ярослав святителем и монастырем грады и села давали святым церквам, даже и до сех мест благочестивии и христолюбивии великыи князи русстии власти и села, и земли, и воды, и ловли рыбныя давали. И се есть свято Господеви и благоприятно и похвално. И мы сия ублажаем и похваляем и съдержим.

Ответ Макариа, митрополита всея Русии, от божественых правил святых апостол и святых отець седми собор, и поместных, и особь сущих святых отець, и от заповедей святых православных царей, к благочестивому и христолюбивому и боговенчанному царю великому князю Ивану Васильевичю, всеа Русии самодръжцу, о недвижимых вещех, вданных Богови в наследие благ вечных.

Слыши и вънми, о боголюбивый и премудрый царю, и разсудив царскы, душеполезная и вечная избери, а тленная и мимотекущая мира сего ни въ чтоже, царю, полагай, зане преходна суть, но едина добродетель и правда пребывает в векы.

От пръваго благочестиваго и равноапостольнаго святого царя Констянтина греческаго и все благочестивыа цари греческыя, и до последняго благочестиваго царя Констянтина же греческаго, ни един от них не смел дръзнути или двинути, или взяти от святых церквей и монастырей, вданных и възложенных Богови и Пречистой Богородици в наследие благ вечных церковнаго имениа недвижимых вещей: завес и съсуд, и книг, и непродаемых вещей, рекше села, нивы, земли, винограды, сеножати, лес, борти, воды, езеро, источници, пажити и прочая, вданная Богови в наследие благ вечных, бояся от Бога осуждениа и от святых апостол и святых отець седми съборов и святых отець поместных и особь сущих, страшныя и грозныя и великиа ради заповеди. Тамо бо Святым Духом възгласиша святии отци: «Аще кий царь или князь, или ин, в каковом сану ни буди, въсхитит или възмет от святых церквей или от святых монастырей, възложенных Богови в наследие благ вечных от недвижимых вещей, таковии по божественым правилом от Бога аки святотатьци осужаются, а от святых отець под вечною клятвою да суть».

И того ради все православныя цари, бояся Бога и святых отець заповеди, не смели двинути от святых церквей и от святых монастырей недвижимых вещей, вданных Богови в наследие благ вечных. И не токмо не взимаша, но и сами благочестивыя цари святым церквам и монастырем села и винограды и прочиа недвижимыя вещи подоваху в наследие благ вечных, с писанием и с великым утвръжением, и с златыми печатьми царства своего, бояся Бога и заповеди святаго и равноапостольнаго пръваго благочестиваго великого царя Констянтина, тамо бо он Святым Духом просвещен и наставлен, духовную заповедь царскою своею рукою подписав и страшными и велелепными клятвами утвердив, в раку святого връховнаго апостола Петра вложив. И тамо възгласи всему тому непоколебиму и недвижиму быти от всех православных царей и от всех князей и велможь по всей вселенней и до скончаниа миру.

И толико почте блаженнаго папу Селивестра и по нем всех святителей почитати по всей вселенней повеле. Понеже бо той блаженный папа на венце главнаго пострижениа знамение сътвори, его же чести ради блаженнаго Петра имеет, не въсхоте златым венцем носити. Мы же покрывалу его главному о сем белым видом светлое въскресение Господне начертавше, на священнейшую главу его своима рукама положихом, бразды коня его своима рукама дръжаще, ради чести блаженнаго Петра конюшьскым саном дахомся ему. Повелеваем того же чина и обычая всем, иже по нем святителем всегда творити в пояздех своих по подобию царства нашего тем же, ради сего постриженнаго знамениа връховнаго святительскыя главы. Да не мнит кто се пострижение худо быти и безчестно, но паче земнаго царства саном и славою, и силою украшати подобает. Но и Римскаго града и всей Италии и западная власти и места, и земли, и грады сему же, иже многажды предреченному блаженному отцу нашему Селивестру съборному папе предающе и отступающеся ему и всем, иже по нем бываемым святителем и в всей вселенней, идеже православная наша вера обдержит, владение и суд дръжит ради божественнаго и нашего сего съдеаннаго утвръждениа, повелеваем устраяти правду святой сей церкви римской, подлежащей пребываема подаваем бывати. Тем же пригодно судихом нашего царства причет к восточным странам преместити града византийскаго чюднаго и краснейшаго места, в свое имя град създати и тамо царьство свое въдрузити, идеже бо священническое начало и власть, и христианьскаго благовериа слава от небеснаго Царя уставлена бысть, неправедно есть тамо владати земному царю.

Сиа убо вся, яже ради божественаго многаго уставлениа и нашим священным писанием утверженна и повелена бывша даже до скончаниа мира сего, яже по всей вселенней, и даныя святителем церковныя земли же и села, и винограды, и езера, и пошлины съчтавше, дахом.

И божественым повелением и нашим царскым велением уставихом на въсточных и на западных, и на полунощи же и южных странах, и в Июдеи же, и в Асии, и в Фракии, в Еладе, в Афракии же и в Итталии, и в различныя островы нашего им велениа свобождением възвещаем и по всей вселенней, идеже православнии князи и властели под нами обладают нашего свобождениа, и волю им утвръдивше, дахом владати святителем, и никакову мирскому сану смеати прикоснутися церковным землям и пошлинам, Богом заклинаем и нашим царскым повелением утвръжаем непреложно и съблюдено быти даже до скончаниа века сего непрекосновенно и непоколеблема пребывати повелеваем.

Тем же пред живым Богом, иже повелевшу нам царствовати и пред ужасным Его судом засвидетельствуем ради царского сего уставлениа всем нашим приемником и иже по нас царем быти хотящим, всем тысящником и всем сотником, и всем велможам римскым, и всему пространнейшему синклита полаты нашего царства, и всем, иже по всейленней людем, иже ныне сущим и потом бывшим в вся лета, и нашему царству подлежащим. И ни единаго же от сих преложити или претворити некотораго ради образа, яже нам царскым повелением в священней святей римской церкви и всем, иже под нею святителем по всей вселенней бываема подаваема, да не смеет никто же порушати или прикоснутися, или которым образом досадити.

Аще кто от сих, еже не веруеть быти сему, без тяж сый и суров, или уничижитель будет окаанный о сих вечных, да дръжим будет осуждением и вечным мукам повинен будет. И да имееть тогда съпротивника себе святых Божиих властелех апостольскых Петра и Павла, в сем веце и в будущем, в преисподнем аде мучим будет, да исчезнеть с диаволом и с всеми нечестивыми.

Се же нашего повелениа царскаго писаниа своими руками утвръдивше, честному телу властелина апостольскаго Петра своими руками в раку положихом, ту бо апостолу Божию обещахомся нерушима нам съблюдати и еже по нас хотящим быти и зде и в всей вселенней. И православным царем же и князем, и велможам, и владалным съблюдаема быти ради заповедей наших оставихом и до скончаниа миру. И блаженному отцу нашему Селивестру съборному папе и его ради всем наместником его и зде и в всей вселенней святителем Господа Бога и Спаса нашего Iсуса Христа благонравно поведавше, вечно и благополучно сих въздаание предавъше, такоже и ныне четырем патриаршескым престолом, коемуждо пределу честных ради апостол и ученик Христовых: византийскому, его же в свое имя преименовах Андрея ради апостола, яко много потрудивъшася к богоразумию тех привести и церкви въдрузити православных; такоже и александрьскому, Маркову приемнику, и антиохийскому, Лучину настолнику, иерусалимскому, Иаковлю брата Господня, коемуждо во своем пределе подобающую честь подаем и наши по нас приемници до века такожде же и всем церквам Христовым и пресвященным митрополитом, и архиепископьям, и иже по них настолником честь сами даем. И наши по нас приемници и велиции сътрапы, яко служителем Божиим и приемником Христовых апостол, сице творите и съблюдите, яко да не предреченной тягости подпадете и славы Божиа лишени будете. Но дръжите предание, яко же приасте, Бога бойтеся и священную Его церковь, и настоятели ея чтите, да милости Божиа в сем веце и в будущем получите, и сынове света будете.

Царское подписание сице: Божество вас да съблюдет в многая лета, святейшии и блаженнии отци.

Дадеся в Риму, в день третий каланд априлиевых, владыкы нашего Флавиа Коньстянтина Августа, Галиканом, мужем честнейшим ипат славнейших.

И того ради все православныя цари, бояся Бога и святых отець заповеди, и заповеди великаго царя Констянтина, не смели двинути от святых церквей и от святых монастырей недвижимых вещей, вданных Богови в наследие благ вечных. И не токмо не взимаше, но и сами благочестивии цари святым церквам и монастырем села и винограды и прочиа недвижимыя вещи подаваху в наследие благ вечных, с писанием и с великым утвръжением, и с златыми печатьми царства своего. И все те православныя цари и до скончаниа царства своего. И все те православныя цари и до скончаниа греческаго царства и з святейшими папами и с пресвятейшими патриархи, и с пресвященными митрополиты, и с всеми святители, и с святыми отци на всех седми съборех сами быша и божествеными правилы и царскыми законы утвръдиша и страшными и велелепными клятвами седмью съборы запечатлеша с царскым подписанием. И уставиша всему тому ни от кого же недвижиму быти и до скончаниа веку. И на обидящих святыя церкви и святыа монастыри, и все православныа цари с святители крепко стояху и побараху царскы и мужскы. И никому же попустиша вданных Богови и Пречистой Богородици и великым чюдотворцем от священных и вданных в наследие благ вечных прикасатися или поколебати недвижимых вещей и до скончаниа миру.

Тако же и в вашем благочестивом и христолюбивом Росийском царствии от пръваго благочестиваго и равноапостольнаго святого прадеда твоего, великого князя Владимира Киевскаго и всея Руси и сына его, благочестиваго великого князя Ярослава, и всех твоих святых прародителей, и до твоего христолюбиваго царства. Ни един же от них не смел дръзнути или двинути, или взяти от святых церквей и монастырей, вданных и възложенных Богови и Пречистой Богородици и великым чюдотворцем в наследие благ вечных церковнаго имениа недвижимых вещей по тому же, якоже и прочиа православныя цари греческыя, бояся от Бога осуждениа и от святых апостол и святых отець седми съборов поместных и особь сущих страшныя и грозныя и великыя предреченныа заповеди и клятвы, тамо бо они Святым Духом възгласиша святии отци: Аще кий царь или князь, или ин, в каком сану ни буди, въсхытить или възмет от святых церквей или от святых монастырей, възложенных Богови в наследие благ вечных от недвижимых вещей, таковыи бо по божественым правилом от Бога акы святотатьци осужаются, а от святых отец под вечною клятвою да суть.

И того ради все православнии цари гречестии и русскые цари прародители твои, бояся от Бога и от святых отець заповеди, не смели двигнути от святых церквей и от святых монастырей недвижимых вещей, вданных Богови в наследие благ вечных и до днешняго дни не токмо от святых церквей вданных Богови не взимаша, но и сами святым церквам и монастырем недвижимыя вещи: села и винограды и прочиа недвижимыя вещи безчислено подаваху по своих царскых душах в наследие благ вечных. Якоже и прадед твой, святый и равноапостольный князь великий Владимир Киевский и всеа Руссии, толику веру к Богу показа и к святым церквам велие тщание: изо всего царства своего по всей Русской земли десятую цасть даде святей церкви и отдели святейшим митрополитом Киевскым и всеа Русии. Тамо бо в своем царском завещании и законоположении написа сице:

Во имя Отца и Сына и Святаго Духа.

Се яз, князь Володимер, нареченный в святем крещении Василий, сын Святославль, внук Игорев, блаженныя княгини Олгы, приал есмь святое крещение от греческаго царя Констянтина и от Фотиа патриарха царягородскаго. И приах от него, пръваго митрополита Михаила Киеву, иже крести всю Русскую землю святым крещением.

По том летом многом минувшим, создах церковь зборную Святыя Богородица Десятинную и дах ей десятину изо всего своего княжениа, такоже и по всей земли Русской. И с княжениа в соборную церковь от всего княжа суда десятую векшу, а ис торгу десятую неделю. А из домов на всякое лето от всякого стада и от всякого живота чюдному Спасу и чюдной Богородици.

По том разсмотривъше греческый Номоканон и обретохом в нем писано, оже не подобаеть сих судов и стяжь князю судити, ни бояром его, ни тиуном его.

И яз, згадав с своими детми и с всеми князи, и с своими бояры, дал есми те суды церквам Божиим и отцу своему митрополиту, и всем епископом по всей Русской земли.

И по сем не надобе въступатися ни детем моим, ни внучатом, ни правнучатом, ни всему роду моему до века ни в люди церковныя, ни в вси суды их.

То все дал есми церкви Божии по всем городом и по погостом, и по слободам и по всей земли, где ни суть христиане.

И своим бояром и тиуном приказываю: судов церковных не судити и наших судов без судей митрополичьих не судити десятин для.

А се суды церковнии: розпускы и смильное, заставание, пошибание, умычкы, промежи мужем и женою о животех, в племяни или в сватовьстве поимутся, ведовьство, потворы, чародеание, влъхование, зелеиничьство, уреканиа три: бляднею и зелии, и еретичьством, зубояжа или сын отца бьет, или матере дъщи биет, или сноха свекровь, или кто уречется сквръными словесы и прилагая отца и матерь, или сестры, или дети, или племя тяжутся задници, церковная татьба, мертвецов сволочать, крест посекуть или на стенах трескы емлют из креста, скот или псы, или птици без великиа нужда введеть в церковь, и ино что неподобно церкви съдееть, или два друга иметася бити, единаго жена а другаго имет за лоно и раздавить, или кого застануть с четвероножною, или кто под овином молится, или в ржи, или под рощениемь, или у воды, или девка детя повръжет.

Те все суды церквам Божиим даны суть преже нас по законом и по правилом святых отець христианскыми цари и князи в всех христианскых людех.

И царю, и князю, и бояром, и судиам в те суды нелзе вступатися.

И яз тако же то все дал есми по перьвых царей уряжению и по вселеньскых святых отець седмих съборов вселеньскых святитель великых.

Князю и бояром, и судиам не прощено есть от закона Божиа вступатися в те суды.

Аще же кто преобидит сий устав, таковым непрощеным быти от закона Божиа, грех и горе себе наследуют.

И своим тиуном приказываю судов церковных не обидети и из судов городцкых давати девять частей князю, а десятая часть — святей церкви и отцу нашему митрополиту.

Се же убо искони поручено Богом святителем и епископьям их — городскыя и торговыя всякиа и мерила, и спуды, извесы, ставила. От Бога тако иськони уставлено есть. И митрополиту блюсти без пакости все то подобает, за все бо то въздати ему слово в день суда великого, якоже и о душах человечьскых.

А се люди церковнии, предани митрополиту по правилом: игумен, игуменья, поп, диакон, поподья, диаконица и дети их. И кто в крылосе: чернец, черница, проскурница, понамарь, лечець, прощеник, баба вдовица, задушный человек, прикладень, сторонник, слепець, хромець, монастыреве, болници, пустынници, странноприимци, и кто порты чернеческыя свръжет.

Те люди церковныя богаделныи митрополит ведаеть промежь ими суды, или обида которая, или задница.

Аще ли иному человеку будет с ними суд или обида которая, то опщий суд, и присуд и пересуд на полы.

Аще кто преступит сиа правила, якоже есмь управил по святых отець правилом и первых православных царей управлению, кто имет преступати правила сиа — или дети мои, или внуце мои, или правнуци, или князи, или бояре, или в котором граде наместник или судья, или тиун, а имуть обидети те суды церковныя или отъимати, да будут прокляти в сей век и в будущий, и от седми съборов святых отец вселеньскых.

А се о десятинах. От всего княжа суда десятая векша, и с торгу десятая неделя, и от даней, от веры, и из всего схода и прибытка, и от лова княжа и от всякаго стада, и от всякого жита десятое в соборную церковь епископу. Царь или князь в девятих частих, а церкви соборная в десятой части.

Основаниа же иного никто не может положити паче лежащаго сего, и да вси съгражают на сем основании. Иже кто разсыплет храм Божий, разсыплет того Бог, церкви бо свята есть. И аще кто изменит святый сей устав отечьскый, грех и горе себе наследуеть.

Аще пообидит суды церковныа, платити ему собою. А пред Богом тому же ответ въздати на страшнем суде пред тмами ангел, идеже когождо дела открываются яве, благая или злая, идеже не поможет никто же никому же, но токмо правда и добрая дела, тем избавитися вторыя смерти, рекше вечныя мукы и крещениа неспасенаго геоньскаго огня, съдръжаще истинну в неправде. О тех глаголеть Господь: Огнь их не угаснет, и червь их не умреть. Сътворшим же благая — жизнь вечная и радость неизреченная. А сътворшим злая, рекше неправедно судившим и лукавно — неизмолим суд обрести.

Аще кто уставление мое порушает, или сынови мои, или внуци мои, или правнуци мои, или от рода моего, или от князя, или от бояр кто, аще порушат мой ряд или вступятся в суды митрополичи, что есми дал митрополиту, отцу своему, и епископом по правилом святых отець и по первых православных царей управлению судивше, того казнити по закону.

Аще же кто имет судить, преслушав нас, церковныи суды, что преданы митрополиту, отцу нашему, той станет с мною пред Богом на страшнем суде, и да будет на нем клятва святых отець.

Так и же и прародитель твой, благочестивый и христолюбивый князь великий Андрей Юрьевичь Боголюбский, заложив Володимери и постави церковь Успение Пресвятыя Богородица о едином връсе. И вдаде Пресвятей Богородици и отцу своему Констянтину митрополиту всеа Русии и идеже по нем митрополитом до века многы имениа и слободы, и зданьми, и села лучшая, и дани, и десятину в всем. И в стадех своих, и торг десятый в всем своем царстве по тому же, якоже и прадед твой, святый и равноапостольный князь великий Владимер Киевский и всея Русии. И Божиим милосердием и Пречистыя Богородица и великих чюдотворцов молитвами, и святых царей русскых, прародителей твоих и царскых родителей твоих святых молитвами и брежением и твоим царскым жалованием и брежением те все села и слободы, и земли с всеми угодьи по старине в дому Пречистыя Богородица и великых чюдотворьцев в святейшей митропольи Русстей и до днешняго дни никим же не движими и не вредими пребывають. Аще и на время от злых человек оскръбляются, но Божиим милосердием и Пречистыя Богородица, и великых чюдотворцев молитвами и вашим царскым жалованием и заступлением по святых церквах побарающих пакы наполняются и николи же истощеваются, занеже вся сиа Богови освященна суть, и никто же может церкви Божиа оскорбити или поколебати, или недвижимая от церкви Божиа двинути, понеже бо церкви Божиа небес вышше и твердейше, и земли ширьше, и моря глубочайше, и солнца светлейши, и никто же можеть ея поколебати, основана бо бе на камени, сиречь на вере Христова закона.

Аще и мнози неверни покусишася поколебати, то вси погыбше, и ни в что же быша. И инии же мнози и от нечестивых царей в своих царствах от святых церквей и святых монастырей ничто же взимаху, и недвижимых вещей не смели двигнути или поколебати, боясь Бога и заповеди святых отець и царскых уставов древних законоположителных, но и зело по святых церквах побараху, не токмо в своих странах, но и в Русском вашем царствии. Некогда быша сиа, в лета великых чюдотворцев Петра и Алексея, и в лета Михаила, и Ивана, Феогноста русскых митрополитов, но и ярълыкы свои тем святым митрополитом подаваху на утвръжение святым церквам и святым монастырем с великым запрещением, чтобы ни от кого не обидимы и недвижими были и до скончаниа царства их.

И доныне в Русской митропольи тех святых митрополит седмь ярлыков написаны пребывают, от них же един ныне написахом, великого чюдотворца Петра митрополита Киевскаго и всеа Русии, имуща сице:

Ярлык Азбека царя, дань в Орде великому чюдотворцу Петру митрополиту Киевъскому и всеа Русии.

Вышняго и безсмертнаго Бога силою и величьством, и милостию его многою, Азбяково слово всем нашим князем великым и средним, и нижним, и силным воеводам, и вельможам, и князем нашим уделным, и дорогам славным, и плъчным князем высокым и нижним, и книжником и устава дръжальником, и учителным, и людскым повестником, и събирателем, и баскаком, и мимо ездящим послом, и лонцом нашим, и соколником, и пардусником, и всем людем высокым и нижним, малым и великым нашего царства по всех наших странах, по всех наших улусах, где наша Бога безсмертнаго силою власть дръжит, и слово наше владеет. Да никто же обидить на Руси зборную церковь и митрополита Петра и его людей, и церковных его, ничтоже да не взимают, ни стяжаний, ни имений, ни людей.

И знает митрополит Петр правду и право судит, и управляет люди своя в правду в чем ни буди. И в розбое и в поличном, и в татьбе, и в всякых делех ведает Петр митрополит един, или кому прикажет. Да вся покаряются и повинуются митрополиту, вся его церковныя причты по первым изначала законом их и по первым грамотам наших первых царей великых грамотах и девтерем, да не въступается в церковное и митрополиче никто же, занеже то Божие все суть.

А кто въступиться, а нашь ярлык, наше слово преслушает, тот есть Богу повинен, и гнев на себе от него приимет, а от нас казнь ему будет смертная. А митрополит правым путем ходить, да правым путем пребываеть и тешится, да правым сердцем и правою мыслью вся своя церковная управляет и судит, и ведает, или кому повелит таковая делати и управляти, а нам в то не въступатися ни в что, ни детем нашим, ни всем нашим князем всего нашего царства и всех наших стран, всех наших улусов, да не вступается никто ничем церковныя, митрополича, ни в грады их, ни в волости их, ни в села их, ни в всякие ловли их, ни в борти их, ни в земли их, ни в лугы их, ни в леса их, ни в ограды их, ни в соляных места их, ни в винограды их, ни в мелници их, ни в зимовище их, ни в стада их конскые, ни в всякые скотскые стада их. Но вся и стяжаниа и имениа церковная, и люди, и вся причты их, и вся законы их уложеныя старые от начала их, то все ведает митрополит, или кому прикажет.

Да не будет ничто же перечинено или порушено, или кем изобижено. Да пребывает митрополит в тихом и кротком житии без всякые голкы, да правым сердцем и правою мыслью молит Бога за нас и за наши жены, и за наши дети, и за наше племя. Мы бо также уставляем и жалуем, якоже и прежнии наши цари давали им ярлыкы и жаловали их. А мы по тому же пути, теми же ярлыкы жалуем их, да Бог нас пожалуеть, заступить.

А мы Божиа брежем, а даннаго Богу не взимаем. А кто взимает Божие, и тот будет Богу повинен, а гнев Божий на него же будет. А от нас будет казнен смертною казнью, да то видя, иные в боязни будут.

А поедут наши баскаки, таможники, данщики, поборщикы, писци по сем нашим грамотам, как наше слово молвило и уставило, да все будут целы зборные церкви митрополиче, никим ни от кого не изъобижены вся его люди и вся его стяжаниа, как ярлык имеет. И архимандриты и игумены, и попы, и вся его причты церковныя ничим никто да не будеть изобижен. Дань ли на нас емлють или иное что ни буди, тамга ли, поплужное ли, ям ли, мыт ли, мостовщина ли, война ли, ловитва ли коя ни буди наша, или егда на службу нашю с наших улусов повелим разбирати, где въсхотим воевати, а от зборныа церкви и от Петра митрополита ничто же не взимаем, и от их людей, и от всего его причта: те бо за нас Бога молят и нас блюдуть и наше воиньство укрепляют.

Кто бо того и преже нас не ведает, что Бога бесмертнаго силою и волею живут все и воюють, то вси ведають. И мы, Бога моляся по первых наших царей грамотах грамоты им давали ни в чем, как то было преже нас.

Так молвяй, наше слово уставило по первому пути, которая дань наша будет или запросы наши накинем, или поплужное, или послы наши будуть, или кормы наши и коней наших, или подводы, или корм послов наших, или наших цариць, или наших детей, и кто ни есть, и кто ни буди, да не вземлют и да не просят ничто же. А что възмут ини, отдадуть назад третицею. Аще будуть взяли за нужду великую, а от нас будет им не кротко, а наше око тихо на них не смотрит. А что будуть церковныя люди ремесленици кои или писци, или каменыя здатели, или древяныя, или иныя мастеры каковы ни буди, или соколницы, или ловци какова лова ни буди, а в то наши никто да не вступаются и на наше дело да не емлють их. И пардусници наши и ловци наши, и соколници наши, и побережници наши да не вступаются в них и да не взимают их, ни у них делных их орудей да не отнимают, ни взимають у них. А что закон их, и в законе их церкви их, монастыри их, часовни их, ничим да не вредять их, не хулят.

А кто учнет веру охужати и хулити, тот человек не извинется ничем же, и умрет злою смертию. А что попы и диаконы един хлеб ядуща и в едином дому живуща у кого — брат ли, сын ли, и тем по тому же пути наше жалование. Оже кто будет от них не выступил, аще ли будет от них кто выступил, а митрополиту не служит, а живет себе, то имянем поповскым не отнимается, но дает дань.

А попы и диаконы и причты церковныя пожалованы от нас по первой нашей грамоте. И стоят молящеся за нас Богу правым сердцем и правою мыслью.

А кто учнет неправым сердцем о нас молитися Богу, тот грех на нем будет.

А кто поп ли диаконь, ли причетник, ли церковный, или иные люди кто ни буди, откуды ни есть, митрополиту похотят служити и о нас Бога молити, что будет о них у митрополита в мысли, то ведает митрополит.

Так слово наше учинило, и дали есмя Петру митрополиту грамоту сию крепости для ему, да сию грамоту видяще и слышаще, вси люди и все церкви и все монастыри, и все причты церковные да не преслушают его ни в чем, но послушни ему да будуть по закону их и по старине, как у них изстари идет. Да пребываеть митрополит правым сердцем, без скорби и без печали всякыя, Бога моля о нас и о нашем царствии. А кто въступится в церковное и митрополиче, а на того будет гнев Божий. А по нашему великому истязанию не извинется ничем же и умрет злою казнью.

Так ярлык дан, так молвя, слово наше учинило, таковою крепостью утвердило заечьего лета, асенаго перваго месяца 4, ветха, на толиих писана и дана.

Коль же паче тебе подобаеть, благочестивый и боговенчанный царю, свою царскую веру к Богу показати и велие тщание к святым церквам и к святым монастырем, не токмо недвижимая, но и самому ти подобает подавати, якоже и вси святии царскые твои прародители и родители подаваху Богови в наследие благ вечных. Сице и тебе, царю, подобаеть творити царства ради небеснаго, сущу благочестивому и христолюбивому и велеумному царю великому князю Ивану Васильевичу всеа Русии самодръжцу, паче же всех царей в вашем Росийском царствии тебе, царю, от Бога ныне взъвышенному и почтенному, единовластному царю в всем великом Росийском царствии, самодръжцу сущу и в конець сведущему Христов закон евангельскаго учениа и святых апостол и святых отець заповеди, и вся тебе божественая писаниа в конець ведущу и на языце носящу не человечьскым бо учением, но данною ти от Бога премудростию. И сего ради, благочестивый царю, подобает тебе, разсудив, смотрити и творити полезная и богоугодная, яко же и прочии благочестивии цари, блюди и храни свою царскую душу и свое христолюбивое царство от всех врагов видимых и невидимых.

А милость Божиа и Пречистыа Богородица, и великых чюдотворцев молитва и благословение, да и нашего смирениа благословение да есть с твоим христолюбивым царством в векы. Аминь.

Так же и вси святейшии папы и пресвятейшии вселеньстии патриарси и пресвященнии митрополити, и боголюбивии архиепископи и епископи, снастолници и съпрестолници святых апостол и честныя архимариты и богобоязнивии игумены и смирении мниси, и мнози от тех великыя чюдотворцы быша, и никто же от тех сътвори или попусти възложенных Богови и вданных святым церквам и святым монастырем в наследие благ вечных недвижимых вещей отдати или продати. И на всех святых седми съборех и поместных и особь сущих святых отець Святым Духом наставляеми святии отци, утвердиша и заповедаша, и грозными и страшными, и великыми клятвами о том зело възгласиша и запечатлеша седмию соборы по данней нам благодати от Святаго животворящаго Духа, и грому подобно възгласиша сице:

Аще кто от церковнаго имениа святых завес или святых съсуд, или святых книг, или от иных вещей, их же не подобает продати или отдати, възложенных Богови в наследие благ вечных недвижимыя вещи, рекше села, нивы, винограды, сеножати, лес, борти, воды, езера, источници, пажити и прочая, вданная Богови в наследие благ вечных.

Аще кий епископ или игумен от церковных недвижимых вещей продасть или отдасть князю земли тоя или иным велможам, нетверду быти проданию, но пакы проданная или отданная святей церкви в епископию или в монастырь да възвратится. Епископ же той или игумен се творя, да изгнан будет из епископьи, а игумен из монастыря, яко расточив зле, их же не събра. Аще ли кто ин от священничьскаго чину суще, таковая сътворить, да извръгутся. Мниси же или мирстии человеци суще, да отлучатся. Аще суще осужени ото Отца и Сына и Святаго Духа, да устроени будуть, идеже червь не умираеть и огнь не угасаеть, яко гласу Господню противятся, глаголющему: Не творите (дому) Отца моего дому купленнаго моего.

Тем же и вси пресвященнии митрополити русстии, от пръваго пресвященнаго митрополита Леона Киевскаго и всеа Русии, и до великых чюдотворцев Петра и Алексея и Ионы, и прочии святии митрополити русстии, и до твоего христолюбиваго царства, и до нашего смирениа все боголюбивии архиепископи и епископи, и честныя архимариты и богобоязнивии игумены великии чюдотворци: Сергий и Кирил, и Варлаам, и Пафнутий, и прочии святии русстии чюдотворци и смирении мниси святых монастырей. И никто же от тех сътвори или попусти възложенных Богови и вданных святым церквам и святым монастырем в наследие благ вечных недвижимых вещей отдати или продати, по тем же божественым святым правилом и по заповеди всех святых отець седмь съборов и поместных и особь сущих святых отець.

Коль паче не подобает мне, смиренну, аще и грешну и несмь достоин учительства слову, такова святительскаго сану, но по данней нам благодати от Святого и животворящаго Духа митрополит нарицаюся, то иже о мне смиреннем и недостойнем всещедрый и человеколюбивый Бог обычным своим человеколюбием устрои, ими же судбами весть сам, дарова и вручи истинное слово правити ми ради Пречистыя матере своея Богородица моя. И сего ради не могу на таковая страшная дръзати или помыслити: от възложенных Богови и Пречистой Богородици и великым чюдотворцем вданных недвижимых вещей в наследие благ вечных из Дому Пречистыя Богородици и великых чюдотворцев таковая отдати или продати, не буди того. И до последняго нашего издыханиа и избави всех нас всесилный Боже и съхрани нас от таковаго законопреступлениа и не попусти тому быти не токмо при нас, но и по нас до скончаниа века, за молитв Пречистыя Твоея матере нашея Богородица и великых чюдотворцев и всех святых. Аминь.

И сего ради не въсхитися удивлением о том, о боголюбивый царю, ниже ласканиа вещь помысли, якоже бо святии отци Святым Духом уставиша и заповедаша, и седмью съборы запечатлеша нам хранити, сице и мы мудръствуем и храним, и до последнего своего издыханиа. Человеци бо есмы, плаваем в многомлъвленом сем мори. Въпредь что будет нам, не вемы. Зане хотящая быти не явленно всем человеком, но токмо боятися нам подобает небеснаго серпа, его же виде Захариа пророк, сходяща с небес: в долготу двадесять саженей, а в широту десять сажен, на обидящих и неправедне судящих и кленущихся именем Божиим во лжу.

И сего ради боюся, егда рукополагахся, сиречь поставляхся в святительскый сан, и тогда посреди священнаго събора в святей съборней апостольстей церкви пред Богом и пред всеми небесными силами, и пред всеми святыми, и пред тобою, благочестивым царем, и пред всем синклитом, и пред всем народом кляхся судбы и законы, и оправдание наше хранити, елика наша сила. И пред цари за правду не стыдитися, аще и нужа будеть ми от самаго царя или от велможь его, что повелять ми говорити, кроме божественых правил, не послушати ми их, но аще и смертью претять, то никако же не послушати их. И сего ради бояхъся, глаголю ти, о благочестивый царю, и молю твое царское величьство: останися, государь, и не сътвори такова начинания, его же Бог не повеле вам, православным царем, таковая творити. Но и вси святии Его възбраниша вам, православным царем, нам, архиереом, священными правилы зело запретиша и запечатлеша седмью съборы по данней им благодати от Святаго и животворящаго Духа.

И того ради молим твое царское величьство и много с слезами челом бием, чтобы еси, царь и государь, князь великий Иван Васильевич всея Русии самодръжець, по тем божественным правилом у Пречистой Богородици и у великых чудотворцев из дому тех недвижимых вещей, вданных Богови в наследие благ вечных, не велел взяти.

А милость Божиа и Пречистыя Богородица и великых чюдотворцев молитва и благословение да и нашего смирениа благословение да есть всегда с твоим христолюбивым царством в многые роды и на векы. Аминь.

составитель: Анатолий Баданов
администратор миссионерского
проекта «Дышу Православием»